Inuk Power 1

Inuttut Suliffimmilu Ineriartorneq

Traumeterapeutit ilinniagaat isiginnittariaasaallu malillugit pikkorissaaneq ingerlanneqartarpoq, nammineq inuttut misiginikuusat tunngavigalugit kiisalu suliffeqarfinnut pikkorissaasarnerit aallaavigalugit ineriartortitaalluni.

Peqataanissamut nalunaarneq

1. Nittartakkakkut nalunaarit/-si (Quppernerup naqqa takuuk)
2. Faktura emailimut nassiutissavarput

Pikkorissarneq pillugu

Pikkorissarnermi sammineqassapput eqqarsaatit ileqqutoqqallu eqqumaffiginerulernissai timiullu qisuariaatigisartagaanik ilisimasaqarnerulernissaq. Ulluinnarni sakkussanik atorneqarsinnaasunik pissarsiffiussaaq, suliffimmilu silaannamik nuannersumik qiimmassimaarnermillu pilersitsinissamut ilinniarfiussalluni, ilinnut suleqatinnullu nuannaarutaasussamik.

Pikkorissaanerup siunertaa

Pikkorissaanerup siunertaraa imminut ilisimanerulernissaq suleqatinullu paasinnissinnaanerulernissaq.

Pissarsiassat

Pikkorissarnermi uani pissarsiarissavatit:

• Allatut isiginnissinnaanerulerneq
• Eqqarsaatit nuanniitsut nuannersumut mumisinnissaat
• Pilluarnermik nammineq pilersitsisinnaaneq
• Nuannersumik suleqatigiinnermik pilersitsineq
• Attaveqaqatigiinnermik atassuteqaqatigiinnermillu pitsanngorsaasinnaaneq
• Inoqatinik paasinnissinnaanerulerneq

Pikkorissarneq una ilinnut tulluarpoq:

• Inuttut, suleqatitut, aqutsisutullu ineriartorusukkuit
• Sulerusussuseq nuannaarnerlu uukkatarinissai soqutigisarigukkit
• Ulluinnarni nukissaqarnerulerneq kissaatigigukku
• Inuttut ineriartornikkut imminut ilisimasaqarfiginerulerusukkuit
• Eqqarsartariaatsit pitsaanerulersikkusukkukku

Sullinniakkat (Målgruppe)

Pikkorissarneq sulisunut tamanut saaffiginnippoq, ulluinnarni annerusumik sulerusussuseqarnerulernermik kissaateqartunut, soorlu:

• Aqutsisunut
• Allaffimmi sulisunut
• Suleqatigiinnut
• Inulerisunut
• Assigisaallu

Sammisassat

Eqqarsaatit misigissutsillu:

• Inuttut anguniakkat
• Sooq isornartorsiuisarnersugut
• Sooq misigissutsikkut annertarnersugut
• Eqqarsaatit pissaanerat

Kajungerisat:

• Sooq pisut aaliangersimasut uteqattaartarneri
• Timip kajungerisarnera
• Pereersut nukigalugit allannguineq
• Massakkumiinnerup nukinga

Suleqatigiinneq:

• Pitsaasunik siunertaqarneq
• Imminut suleqatinullu nuannaalersitsineq
• Ataatsimut anguniagaqarneq
• Sulinerup nalaani nukissaqarnerulerneq

Pikkorissarnissamut paasissutissat pisariallit

Angalaneq najugaqarnerlu

Pikkorissarfiup sumiiffianut angalassaguit, taava nammineq imaluunniit suliffigisavit angalaneq najugaqarnerlu isumagissavaa.

Pikkorissarnermi akiliut 

Pikkorissarnermi akiliutip matussusissavai: pikkorissarfiup initai, pikkorissaasut, nerisaqarneq atortussallu.

Pisinnaajunnaarnermi piumasaqaat

Pikkorissarnermut nalunaarneq pituttorsimavoq. Peqataasinnaajunnaarsimatilluni suleqatigisap inissaq tigusinnaavaa.

Nerisaqarneq

Pikkorissarnermi ullaap tungaani tamulugassaqassaaq, ullup qeqqasiutit, imeq, the kaffilu. Saniatigut ullup qeqqata kingorna kaagit naatitallu sassaalliutigineqassapput.

Arlaannik sapigaqaruit, nalunaarnermi tamanna nalunaarutigineqassaaq.

Pikkorissaanerup ilusilersornera

Saqqummiineq, eqimattani sulineq kiisalu sungiusarneq.

Pikkorissaaneq immikkuualuttunik assigiinngitsunik katiteriffiussaaq ajornaannerusumik ilinniarnissaq kiisalu pitsaanerpaamik iluaqutissannik tunineqarnissat anguniarlugu.

Pikkorissarnermi uppernarsaat

Pikkorissarnerup naammassinerani peqataasut tamarmik pikkorissarnermi uppernarsaammik tunineqassapput.