Pikkorissaanerit tamarmik kalaallisut ingerlattarpagut _
Inuk Power 2
Inuttut Ineriartorneq Imminullu Ikiorserneq
Siunnersuutaavoq piumasaqaataananili, Inuk Power 1 imaluunniit allani inuttut ineriartornermut tunngasumik pikkorissareersimanissaq. Tassani peqqutaavoq Inuk Power 2-mi itinerusumik timikkut qisuariaatsinik imminullu ikiorserneq pikkorissaassutigisaratsigit.
Pikkorissarneq pillugu
Pikkorissarnermi eqqarsaatit unamminartut, misigissutsit artornartut timikkullu anniaatit aqunnissai ilinniassavatit, eqqarsartaatsikkut allannguinissamut isumakkeerfiginninnissamullu sakkussarsiffigissallugu. Eqqarsaativit, iliuutsivit pissusilersuutsivillu suliarinerisigiut imminut pitsaanerulersissaatit.
Pikkorissaanerup siunertaa
Imminut ikiorsernissamut sakkussanik pissarsiffiussaaq, ilinnut nukissaqartitsinerulertussanik. Misigissutsinut unamminartunut timikkullu anniaatinik annikillisaanissamut ilinniarfiussaaq.
Pissarsiassat
Pikkorissarnermi uani pissarsiarissavatit:
- Misigissutsit anniaatillu ataqatigiinnerinut paasinninnerulerneq
- Timimut eqqarsartaatsikkullu itinerusumik paasisimasaqarnerulerneq
- Timivit oqariartuutaanik paasinninnerulerneq
- Misigissutsivit aqunnissaanut sakkussarsineq
- Imminut ikiorsernissamut sakkussarsineq
Pikkorissarneq una ilinnut tulluarpoq:
- Inuk Power 1 imaluunniit allani inuttut ineriartornermut pikkorissarsimaguit
- Inuttut ineriartorneq itisilernerunissaa kissaatigigukku
- Imminut ikiorsinnaaneq inoqatinullu paasinnissinnaaneq kissaatigigukku
- Timikkut misigissutsikkullu iluaalliuutit aqussinnaalernissai kissaatigigukkit
Sammisassat
Timeq misigissutsillu:
- Timitta nipaallisaataa
- Qanoq timeq tusarnaarneqarsinnaanera
- Eqqarsaatinik unamminartunik aqutsisinnaaneq
- Misigissutsinik akueriuminaatsunik iperaasinnaaneq
Suut tamarmik aallaaveqarput:
- Anniaatit tamarmik peqquteqartarneri
- Misiginikuusat sunniuteqarnerlutsitsisinnaaneri
- Timitta malussaataasa sunniuteqartarneri
- Inunngornermiit pigeriikkagut
Timikkut anniaatit:
- Timivit ilinnut oqariartuutai
- Timikkut anniaatinik annikillisaasinnaaneq
- Sooq anniaatit takkuttarlutillu tammartarneri
- Guidet mindfulness
Inuk Power 2 tullia
Pikkorissarneq kikkunnut tulluarpa?
Inunnut qanimut atassuteqartartunut tulluarpoq, soorlu:
- Aqutsisunut
- Allaffimmi sulisunut
- Suleqatigiinnut
- Inulerisunut
- Assigisaallu
Pikkorissaanerup ilusilersornera
Ataqatigiissaarisarpugut saqqummiinikkut, eqimattani sulisitsinikkut sungiusarnikkullu.
Pikkorissaaneq immikkuualuttunik assigiinngitsunik katiteriffiussaaq ajornaannerusumik ilinniarnissaq kiisalu pitsaanerpaamik iluaqutissannik tunniussaqarnissaq anguniarlugu.
Eqimattanngorluni suliaqarneq
Peqataasut eqimattanngorlutik suliaqartassapput, iluminni misigisaminnik eqqartuiffiusumik.
Saqqummiineq
Saqqummiigaangatta nammineq kingunerluutitsinnik misiginikuusatsinnillu assersuusiortarpugut.
Titartaanerit
Pappilissanut titartaallutalu allattuisarpugut, eqqartorneqartut erseqqissarniarlugit.