Eventit kalaallisut ingerlanneqartarput _
Akunneq ataaseq onlinekkut sammisaqartarneq
Eventimut peqataaneq 295,-
Eqqarsartaaseq pitsaaneruleraangat, tarnikkut timikkullu peqqinnerulertarpugut
Eventi suua?
Immikkut sammisaqartitsineq eventimik taallugu, tassaavoq onlinekkut saqqummiussisarnissagut immikkut ittut akunnermik ataatsimik sivisussusillit.
Eventit tigussaasunik isumassarsiorfiussapput, pissarsiassallu ulluinnarni atorsaasuusallutik.
Onlinekkut ingerlanneqartassapput
Eventit onlinekkut ingerlattassavagut, taamaasillutit sumiikkaluaruilluunniit internet aqqutigalugu peqataasinnaallutit.
Piviusunik aallaaveqarneq
Saqqummiisarnissat piviusut tunngavigalugit ingerlattarumaarpagut, ilaatigut nammineq misiginikuusagut ilaatigullu ikiuisarnitsinni pikkorissaasarnitsinnilu misigineqarsimasut assersuutigisarumaarlugit.
Sammisassat assigiinngitsut
Sammisat assigiinngitsut ingerlatarivagut, nammineq inuttut suliffinnilu iluaqutigisinnaasatit.
Pissarsiassatit
- Inuunermut isiginnittariaatsit annertusissaaq
- Pitsaanerusumik imminut perusunnerulissaatit
- Suut tamarmik ilinnit aallaaveqarnerinik ilisimasaqarnerulissaatit
- Apeqqutit akiuminaatsittakkatit akissutissarsissavatit
Sammisassat
Massakkumut sammisartakkat pingasuupput, taakkulu tulleriiaarlugit uteqattaartassavagut.
Piffissap ingerlanerani sammisassat amerliartorumaarput.
Timikkut anniaatit
Peqquteqarluta anniaateqartarpugut
Imarisaa
Timerput ikioqqugaangami oqaasinnguilluni paasitissinnaaneq ajorpaatigut, taamaattumik timerput malugeqqulluni iluaalliortitsisarpoq iliuuseqaqqulluta.
Pissarsiassat
Uani sammisaqarnermi timikkut anniaateqartarnerup tunngavigisinnaasai qanorlu anniaataaruttoqarsinnaanera paasisaqarfigissavat.
Qulequttat:
- Suut tamarmik ataqatigiillutillu peqquteqarput
- Timerput malugeqqullunilu naalaaqqusarpoq
- Anniaatit peqqutigisinnaasaat
- Sapigaqarnerup peqqutigisinnaasai
- Timikkut anniaatiminnik nakorsaateqanngitsumik qaangiinikut
Eqqarsaatit sunniutai
Eqqummaariffiginerusagut taakkuusarput amerliartortittakkagut
Imarisaa
Eqqarsaatit misigissutsillu inuunitsinni aqutsisuupput.
Uani sammisami eqqartorneqassaaq eqqarsaatit sungiusimasagut qanoq qaratsatsinni inissisimasarneri qanorlu sunniuteqartarneri.
Pissarsiassat
Ileqqutoqqatit pissuserisartakkatillu eqqumaffiginerulissavatit, siunissannullu pitsaanerusumik ilusilersuisinnaanngussallutit.
Qulequttat:
- Eqqarsaatitta sunniutai
- Eqqarsaatit nuanniitsut nuannersumut saatinnissai
- Aporfilersuigaangatta
- Ullumikkut aaliangiussatit aqagumut ilusilersuisuupput
Kajungerisagut
Misigisartakkagut uteqattaartut tamarmik peqquteqartarput, nuanniippata nuannerpataluunniit.
Imarisaa
Misigissutsit atukkagut kajungerisarpugut. Misiginikuusagut ullumikkumut nassatarigaangatsigit eqqaasaqattaarlugillu, timerput isumaqartarpoq nuannarigigut. Massakkumiinnissaq ilinniaraanni kajungerisat allanngortinneqarsinnaapput.
Pissarsiassat
Uani paasisaqarfigissavat kajungererusutatit qanoq iliuuseqaruit kajungerisalersinnaanerlugit. Illit taanna kisivit iliuuseqarfigisinnaavat.
Qulequttat:
- Sooq pisimasut aaliangersimasut kajungeriuartarnerigut
- Timitta sungiusimasaminik aqqutissiussisarnera
- Massakkumiinnerup siunertaa
- Imminut allanullu isiginnittariaaseq
