Inuk Power 2

Siunnersuutaavoq piumasaqaataananili, Inuk Power 1 imaluunniit allani inuttut ineriartornermut tunngasumik pikkorissareersimanissaq. Tassani peqqutaavoq Inuk Power 2-mi itinerusumik timikkut qisuariaatsinik imminullu ikiorserneq pikkorissaassutigisaratsigit.

Inuttut Ineriartorneq Imminullu Ikiorserneq

Kissaatigigukku nammineq suleqatinniillu iliuuserineqartartut qisuariaatigineqartartullu itinerusumik paasisaqarfiginissai, aammalu kissaatigalugu nammineq inuttut suliffimmilu sunniuteqarluarnerulernissaq, taava una pikkorissarneq ilinnorpiaq tulluarsagaavoq.

Peqataanissamut nalunaarneq

1. Nittartakkakkut nalunaarit/-si (Quppernerup naqqa takuuk)
2. Faktura emailimut nassiutissavarput

Pikkorissarneq pillugu

Pikkorissarnermi eqqarsaatit unamminartut, misigissutsit artornartut timikkullu anniaatit aqunnissai ilinniassavatit, eqqarsartaatsikkut allannguinissamut isumakkeerfiginninnissamullu sakkussarsiffigissallugu. Eqqarsaativit, iliuutsivit pissusilersuutsivillu suliarinerisigiut imminut pitsaanerulersissaatit.

Pikkorissaanerup siunertaa

Imminut ikiorsernissamut sakkussanik pissarsiffiussaaq, ilinnut avatangiisinnullu nukissaqartitsinerulertussamik. Misigissutsit unamminartunut timikkullu anniaatinik annikillisaanissamut ilinniarfiussaaq.

Pissarsiassat

• Misigissutsit anniaatillu ataqatigiinnerinut paasinninnerulerneq
• Timimut eqqarsartaatsikkullu itinerusumik paasisimasaqarnerulerneq
• Timivit oqariartuutaanik paasinninnerulerneq
• Misigissutsivit aqunnissaanut sakkussarsineq
• Imminut ikiorsernissamut sakkussarsineq

Pikkorissarneq una ilinnut tulluarpoq:

• Inuk Power 1 imaluunniit allani inuttut ineriartornermut pikkorissarsimaguit
• Inuttut ineriartorneq itisilernerunissaa kissaatigigukku
• Imminut ikiorsinnaaneq inoqatinullu paasinnissinnaaneq kissaatigigukku
• Timikkut misigissutsikkullu iluaalliuutit aqussinnaalernissai kissaatigigukkit

Sullinniakkat (Målgruppe)

Inunnut qanimut atassuteqartartunut tulluarpoq, soorlu:

• Aqutsisunut
• Allaffimmi sulisunut
• Suleqatigiinnut
• Inulerisunut
• Assigisaallu

Sammisassat

Timeq misigissutsillu

• Timitta nipaallisaataa
• Qanoq timeq tusarnaarneqarsinnaanera
• Eqqarsaatinik unamminartunik aqutsisinnaaneq
• Misigissutsinik akueriuminaatsunik iperaasinnaaneq

Suut tamarmik aallaaveqarput

• Anniaatit tamarmik peqquteqartarneri
• Misiginikuusat sunniuteqarnerlutsitsisinnaaneri
• Timitta malussaataasa sunniuteqartarneri
• Inunngornermiit pigeriikkagut

Timikkut anniaatit

• Timivit ilinnut oqariartuutai
• Timikkut anniaatinik annikillisaasinnaaneq
• Sooq anniaatit takkuttarlutillu tammartarneri
• Guidet mindfulness

Pikkorissarnissamut paasissutissat pisariallit

Angalaneq najugaqarnerlu

Pikkorissarfiup sumiiffianut angalassaguit, taava nammineq imaluunniit suliffigisavit angalaneq najugaqarnerlu isumagissavaa.

Pikkorissarnermi akiliut 

Pikkorissarnermi akiliutip matussusissavai: pikkorissarfiup initai, pikkorissaasut, nerisaqarneq atortussallu.

Pisinnaajunnaarnermi piumasaqaat

Pikkorissarnermut nalunaarneq pituttorsimavoq. Peqataasinnaajunnaarsimatilluni suleqatigisap inissaq tigusinnaavaa.

Nerisaqarneq

Pikkorissarnermi ullaap tungaani tamulugassaqassaaq, ullup qeqqasiutit, imeq, the kaffilu. Saniatigut ullup qeqqata kingorna kaagit naatitallu sassaalliutigineqassapput.

Arlaannik sapigaqaruit, nalunaarnermi tamanna nalunaarutigineqassaaq.

Pikkorissaanerup ilusilersornera

Saqqummiineq, eqimattani sulineq kiisalu sungiusarneq.

Pikkorissaaneq immikkuualuttunik assigiinngitsunik katiteriffiussaaq ajornaannerusumik ilinniarnissaq kiisalu pitsaanerpaamik iluaqutissannik tunineqarnissat anguniarlugu.

Pikkorissarnermi uppernarsaat

Pikkorissarnerup naammassinerani peqataasut tamarmik pikkorissarnermi uppernarsaammik tunineqassapput.